Di salvegera Roja Rabûna Kurdan de… azadiya Rêber Abdullah Ocalan gava yekem e ber bi aştiyê ve.

Em bi boneya Vejîna Neteweyî ya Kurd û salvegera 42’yemîn a “Pêngava 15’ê Tebaxê”  wê pêngava ku dîrok guhert, rûpela jenosîd, bêdadî û zilmê girt û hebûna Kurdî veguherand û ji nû ve zindî kir  pîrozbahiyên xwe pêşkêş dikin. Em Rêber Apo, pêşengê vê pêngava mezin şehîd Egîd (Masûm Korkmaz) û her wiha hemû şehîdên ku li ser rêya wî têkoşiyane, gelê me yê welatparêz û hemû hevrêyên têkoşer li her derê bi rêzdarî bibîr tînin.

“Pêngava 15’ê Tebaxê” bersivek bû li hemberî polîtîkayên marjînalîzekirin, dûrxistin û tunekirina etnîkî ku hebûn, nasname, dîrok û çanda gelê Kurd red dikirin û li ser wan dihatin ferzkirin. Rêber Apo ji bo têkoşîna li dijî van polîtîkayan, bi damezrandina Partiya Karkerên Kurdistanê (PKK) dest bi têkoşînê kir. Piştî vê yekê, berxwedaneke mezin ku ji aliyê şehîd Mazlum Doğan ve hatibû pêxistin, dest pê kir; çar hevalên wî şopdarên wî bûn û di girtîgeha leşkerî ya Amedê de zincîrên xwe şikandin. Van bûyeran bingeha wê pêngava dîrokî danîn ku ji aliyê şehîd Egîd (Maasum Korkmaz) ve dihat birêvebirin; wî guleya destpêkê teqand û bi vî awayî destpêkirina têkoşîna çekdarî ya li dijî polîtîkayên tunekirin û înkarê ragihand.

Bi guleya xwe ya destpêkê re, 15’ê Tebaxê hêviya hebûn û azadiyê ji nû ve geş kir; ew destwerdanek bû ji bo rizgarkirina gelekî ku ji bo tunekirin û jêbirina wî, her cure rêbazên gengaz hatibûn bikaranîn. Ew ne tenê operasyoneke leşkerî bû, belkî operasyoneke wiha bû ku aliyên siyasî, îdeolojîk, neteweyî, çandî û civakî jî di nav xwe de digirt ligel têkoşîna çekdarî ya ku bendên koletiyê şikandin û zincîrên biçûkxistinê yên ferzkirî qetandin.

https://youtu.be/50naCG0h65o?si=arBtXxeIFv3qToDs

“Pêngava 15’ê Tebaxê” serkeftineke bêguman û berbiçav bi dest xist; serkeftinek ku bi saya biryardariya şervanên gerîla pêk hat yên ku bi hemû hebûna xwe têkoşiyan û rêberiya wan ji aliyê rê û felsefeya Rêber Apo ve dihat kirin. Wî jiyana xwe ji bo têkoşînê terxan kir û dema xwe ji bo rizgarkirina gelê xwe veqetand; lê belê, piştî van hemû salan têkoşînek ku bûye dîrok, ji nû ve jidayikbûn û ruhê nûjenbûn û hebûnê ew hîn jî girtî ye û ev 27′ sal in ji mafên herî bingehîn ên jiyanê bêpar hatiye hiştin.

Di vê roja vejîna neteweyî ya Kurd de —û hevdem digel banga Rêber Apo ya ji bo aştiyê û civakeke demokratîk, herwiha gavên ku Tevgera Azadiyê ji bo misogerkirina serkeftina pêvajoya aştiyê avêtine— em tekez dikin ku Rêber Apo stûna bingehîn a vê rêyê ye. Azadiya wî ya fîzîkî gava yekem a bingehîn e ber bi aştiyê ve; çimkî ew kesê ku têkoşîn da destpêkirin, vîzyona aştiyê diyar kir û bingehên demokrasiyê danî, ew bi xwe ye. Ji bo azadiya wî ya fîzîkî ti alternatîf tune ye.

Rêber Apo, tevî ku di girtîgeheke dûr ji pîvanên mirovahiyê û bêyî tu nîşaneyeke dadperweriyê de tê ragirtin, rêça têkoşînê ji şerê çekdarî ber bi têkoşîna siyasî ve guhert û destê aştiyê dirêj kir. Wî jiyana xwe ji bo vê dozê terxan kir û ji bo pêşxistina aştiyê û dabînkirina jiyaneke bi rûmet û demokratîk ji bo hemû kesan, hişmendî û zanîna xwe bi cîhanê re parve kir; îro mafê wî heye ku azad be.

Di vê rojê de, em soza xwe ya ji bo Rêber Apo, şehîdên xwe û gelê xwe yê welatparêz nû dikin ku em ê li ser riya têkoşînê bi biryardarî pêş ve biçin; armanc û daxwaza me ya sereke azadiya fîzîkî ya Rêber Apo ye û heta ku ew bigihîje wê azadiya fîzîkî, em ê di têkoşîna xwe de bi israr bimînin.

Azadiya fîzîkî ya Rêber Apo

Ofîsa Ragihandinê ya Akademiya Zanista Civakî ya Abdullah Ocalan